Operasyonê qirkerdişê sîyasî de Amed û Gumgum de 19 kesî ameyî destbendkerdene.

Çarçewa tehqîqatê Serdozgerîya Komare ya Amedî de  derheqê 22 kesan de bira destbendkerdişî ameye girewtene. Serê sibayî sereştişê keyeyan de Melîse Ozbalkan û Îsa Aydin zî tede 18 kesî ameyî destbendkerdene û ameyî berdene bi Mudirîya Asayîşî ya Amedî.

Dosya ser o bira nimite dîyaye û 24 saetan pêvînayîşê avûkatan ame qedexekerdene.

Qezaya Goksunî ya Gumgumî de zî serê sibayî polîsan eşt xeylêk keyeyan ser û kesê bi nameyê Mehmet Şeker destbend kerd. Dîya zanayene ke Şeker çarçewa tehqîqatê Serdozgerîya Komare ya Mûşî de ame destbendkerdene.

Pawîyeno ke hûmara destbendkerdişan bizêdîya.