Komîsyonê 21ê Sibate yo ke Torra Ziwan û Kulturê Kurdan û Platformê Ziwanê Kurdkî zî tede ca ganê 21ê sibate ya 2021î de seba ke kurdkî wa Tirkîya de biba ziwanê fermî û ziwanê perwerdeyî  kampanyayêke dayebî destpêkerdene. 

Komîsyonî çarçewa kampanyaya ke yena domnayene de qerar girewt ke do Amed, Wan û Cizîre de mîtîngan bikerê.

Mîtîngo verên 3ê hezîrane de do Cizîre de bêro kerdene. 4ê hezîrane de Wan û 7ê hezîrane de zî Amed de do mîtîngî bêrê kerdene. Mîtîngan de do bale bêro antene serê kampanyaya îmzayan ya semedê kurdkî ser û semedê wayîrvejîyayîşê  ziwanê dayîke bêro vengdayene.

Semedê mîtînganê Cizîre û Wanî muracatî ameyî kerdene . Semedê mîtîngê Amedî 31ê gulane de do muracat bêrokerdene. Bajarê ke do tede mîtîngî bêrê kerdene de xebatan zî dest pêkerd. Sereyê hewteyê verê ma de bi kombîyayîşê çapemenîye do mîtîngî bidîyê eşnawitene.