17ê teşrîna verêne de dewa Kanî Kendî ya qezaya Koye ya Hewlêrî de, wesayîtê keyeyêkê Kampa Multecîyan a Mexmûrî hetê droneyê çekdarî yê dewleta tirke ra dîyabi bombayan ver û ciwan Dilovan Îşlek şehîd bibi.

5 karkerê ke roniştoxê Kampa Mexmûrî yê, seba ke Bexdadî ra şorê verê cenazaya Îşlekî noqtaya kontrolî ya PDKyî de, Hewlêr de ameybî destbendkerdene. A roje ra naya karkeran Zagros Atalay, Mihemed Nûrî Avci, Mihemed Şirîn Avci, Ehmed Baytaş û Bêwar Baytaşî ra xeberêke nêna girewtene.

Keyeyê karkeran seba ke agahîye bigêrê şîyî noqtaya kontrolî la hêzanê PDKyî destpêk de qebul nêkerd ke înan karkerî destbend kerdê. Israrê keyeyan ra dima hêzan îtîraf kerd ke înan karkerî berdê Asayîşê Hewlêrî.