Asayîşê PDKyî 27ê hezîrane de dewa Sîda ya qezaya Şeladizê ya  şaristanê Dûhokî yê Başûrê Kurdîstanî de eşt keyeyê rojnameger Qehreman Şukrîyî ser û o dest bend kerd. No sereştiş dima ke 19ê hezîrane de dewleta tirke dewa Sîda ser o bombayî varnayî qewimîya. 

Şukrî ra 17 rojan ra nata xeberêke nêna girewtene. Nêno zanayene ke Şukrî ça de yeno tepiştene û çi sûc kerd. Goreyê zanayîşanê ke keyeyê Şukrîyî dayî, ne PDKyî ne zî avûkatan zanayîşêk nêda keye.

Rojnameger Şukrî verê cû zî 26ê çeleyê 2019î de nawnayîşê vera baregehêkê tirkan de amebi destbendkerdene û 22 rojan ra dima amebi veradayene.