Ame parekerdene ke artêşa Iraqî xo seba abluqa û hêrişê vera bendanê Asayîşê Êzidxanî yê Digur, Sinun û Xanesorî yê Şingalî amade kena. Artêşa Iraqî seba ney sewqîyatê leşkerî kena.

Goreyê agahîyanê çimeyanê herêmîyan Sinûn de pêkewtişêko kilm qewimîya û hêzanê Iraqî waşt ke aver şorê la neçare mendî ke xo apey biancê. Goreyê çimeyan merkezê Şingalî de zî vengê teqayîşan ameyê eşnawitene la heta nika derheqê ney de agahîyêka zelale nêameye destvistene.

Hetê bînî ra têgêrayîşê Iraqî yê seba bendanê Asayîşê Êzidxanî û YBŞ-YJŞyî dewam keno. Bi taybetî vera bendanê Asayîşê Êzidxanî yê Digur, Sinûn û Xanesorî amadekarîya hêrişî est a.

Artêşa Iraqî 18ê nîsane de Sinûn de hêrişê Asayîşê Êzidxanî kerdbi.