Artêşa tirke daristanê Pasûrî da adir ver, şewat vila beno
Artêşa tirke ya îşxalkere daristanê taxa Barînî ya qezaya Pasûrî ya Amedî de şewat vet.
Goreyê zanayîşanê ke ameyî destfînayene bînşewe artêşa tirke ya îşxalkere daristanê taxa Barînî ya qezaya Pasûrî ya Amedî dest pê operasyonî kerd. Leşkerê ke vejîyayî operasyon daristan da adir ver.
Şewat çend şino vila beno û îşxalkerî destûr nêdanê ke dewijî adirî hewna bikerê. Kilaya şewatî hende 500 metreyan taxe rê nizdî bîyî. Rixmo ke şewat ver bi Gelîyê Gondernê û taxe vila beno ekîbê îtfaîye yê Şaredarîya Bajarê Pîlî ya Amedî û Şaredarîya Pasûrî mudaxeleyê şewatî nêkenê. Şarê taxe qerqilîyeno û wazeno ke cade şewatî rê mudaxale bêro kerdene.
