Artêşa tirke ya îşxalkere hîrê serrî yo seba ke Zap, Avaşîn û Metîna îşxal bikera bi hawayêkê bêmabênî hêriş kena.

Artêşa îşxalkera ke pê xoverdayîşê gerîlayan nêeşkena, bi şuxilnayîşê gazê kîmyewî û teqaberanê qedexekerdeyan sûcanê şerî kena.

Artêşa tirke ya îşxalkere tewr peyên Warê Xoverdayîşî yê Girê Ortê yê Metîna û Warê Xoverdayîşî yê Girê Cûdîyî yê Herêma Şehîd Delîlî ya Rojawanê Zapî de teqaberê qedexekerdeyî şuxilnayî. Dîmenê ke hetê gerîlayan ra ameyê girewtene mojnenê ke artêşa îşxalkere senî teqaberê qedexekerdeyî ca kerdê, dima remaya û teqaberî teqnayê. Dîmenan de aseno ke teqayîşî ra dima dû bi se metreyan berz beno, kerrayê pîlî lûr benê.