Gerîlayê HPGyî Egît Serhat û gerîlaya YJA-Starî Arîne Amed ANFyî rê hêrişanê îşxalî û xoverdayîşê gerîlayan ser o qisey kerd.

Xoverdayoxa Hemleya Cengê Xabûrî Arîne Amed vat: ''23ê nîsane ra nata hêrişî dewam kenê. Dişmen çend hêriş bikero zî nêeşkeno netîce bigêro. Ma do qesasê embazanê xo bigêrê. Nika têkoşînê ma heta azadîya Rayberîye û Kurdîstanî do dewam bikero. Ez pêro embazan rê serkewtiş wazena.''

Gerîlayê HPGyî Egît Serhatî vat: ''Embazanê ma Girê Zendûra de vera hêrişan destanî nuştî. 37 rojî artêşa tirke nêeşkaye bikewa tunelan. Artêşa tirke şerêkê gemarinî kena. Dişmen vera kurdan şerê psîkolojîkî keno la gerîlayê azadîye yê Kurdîstanî pê şerê psîkolojîkî bin nêkewenê. Ganî ciwanê kurdî verê xo bidê koyan. Çinkerdişê faşîzmî ra ber çareyêke çin a.''