Polîsê tirkî tim wexto ke sîyasetmedar û welatperweranê kurdan destbend kenê îfadeyê 'şahîdan ê nimiteyan' xebitnenê. Hînî nê şahîdê nimiteyî hende zêde yê ke polîsî pê nînan fezlekeyan amade kenê û înan rê nameyêkê qodî peyda kenê. Ge ge heyetê mehkemeyan venga nê şahîdan danê ke tewrê mehkeme binê.

ANFyî pê dokumentan îsbat kerd ke polîsê tirkî pê zûrê 'şahîdanê nimiteyan' bi hawayêkê keyfî têgêrenê. Mehkemeya Cezaya Girane ya 8. ya Amedî derheqê şahîdanê nimiteyan de Asayîşê Amedî rê muzekere nuşto ke wa şahîdê nimiteyî tewrê mehkeme bibê. La asayîşî cewabê xo de vato ke çîyo sey 'şahîdan ê nimiteyan' çin o.

Mehkeme waşt ke şahîdê nimiteyî yê bi nameyê Çîçeke û Kurtuluş wa tewrê mehkeme bibê. Asayîşî wina cewab da mehkeme: ''Derheqê şahîd Kurtuluşî de bira tebdîrî hetê Serdozgerîya Komare ya Amedî ra wedarîyaye û kesa bi nameyê Çîçeke çin a.''

Nê dokumentî ra fam beno ke polîsan 'ifadeyê Çîçeke' bi xo nuşt.