Merkezê Îrtîbatî û Çapemenîye yê HPGyî derheqê çalakîyanê gerîlayan de pê eşkerayîyêke agahîyî dayî.

Eşkerayîye wina ya:

''Çarçewa Hemleya Şorişgêre ya Bazanê Zagrosî de;

21ê gulane de Girê Konferansî yê herêma Avaşînî de vera îşxalkeran çalakîyêke ameye kerdene. Çalakîye de vera îşxalkeranê garî dekewtişo mîyankî ame kerdene û erazî de yewina hemkare ya nimiye ameye dîyene. Na yewîne ameye hedefkerdene û pirodayene û yew îşxalker ame cezakerdene. Heman wextî de mewzîyê bînî zî ameyî pirodayene. Çalakîye ra dima warî ser o têgêrayîşê droneyan qewimîya.

Heman roje nêmroje Girê Konferansî yê herêma Avaşînî de vera îşxalkeran di baskan ra çalakîya gerîlayan ameye kerdene. Baska verêne pê roketî da mewzîyê bi 4 îşxalkeran ro, 4 îşxalkerî ameyî cezakerdene û mewzî ame îmhakerdene. Mewzîyêka cîya de 2 îşxalkerî ameyî cezakerdene û mewzî ameye îmhakerdene. Baska diyîne ya hêrişî  da mewzîyê bînî ro û mewzî derbe kerde.

Reyna 21ê gulane de Dola Konferansî ya Avaşînî de vera îşxalkeran çalakîya sûîkastî ameye kerdene. Çalakîye de yew îşxalker ame cezakerdene. Çalakîye ra dima îşxalkeran mewzîyê şerî û Dola Konferansî dayî bombayan ver û xo apey girewt.

21ê gulane de Girê Şehîd Munzurî yê Zapî de îşxalkerî pê çekanê giranan ameyî pirodayene.

22ê gulane warê Mamreşoyî yê Avaşînî de vera îşxalkeran pê çekanê giranan çalakîyêke ameye kerdene.

Çarçewa Hemleya Şorişgêre ya Cengê Xabûrî de;

20ê gulane de Bogazê Orê yê Metîna de wexto ke têgêrayêne îşxalkerî pê taktîkê sabotajî ameyî pirodayene. Hûmara kişte û birîndaran a na çalakîye nêameye zelalkerdene. Çalakîye ra dima îşxalkeran gir terikna û xo apey girewt.

20ê gulane de Girê Azadî yê Metîna de vera îşxalkeran pê taktîkê sûîkastî çalakîyêke ameye kerdene. Çalakîye de yew îşxalker ame cezakerdene.

Artêşa tirke ya îşxalkere vera Herêmanê Pawitişî yê Medya pê helîkopter û teyarayanê şerî tay hêrişî kerdî. Detayê hêrişan wina yê:

21ê gulane de dewa Sêdarê ya warê Meyrokê ya Garê dîyaye bombayan ver û netîceya bombardumanî de herême de şewat vejîya. 21-22ê gulane de Girê Zendûra yê Metîna pê teyarayanê şerî dîya bombayan ver. 21-22ê gulane de waranê Şukê, Mervanos û Mamreşoyî yê herêma Avaşînî de pê helîkopteranê Skorskyî leşkerî ameyî warardene. 21ê gulane de warê Qela Bedewê û Harfa Tyî yê Zapî pê helîkopteranê hêrişî dîyayî bombayan ver û pê helîkopterê Skorskyî leşkerî tede ameyî warardene.

Nê bombardumanan de zerarêk nêresa hêzanê ma ser.''