Hemşaredarê Wanî Mustafa Avciyo ke herinda ci de qeyûm amebi tayînkerdene deerheqê amadekarîyanê înan ê seba weçînayîşanê herêmîyan de qisey kerd.

Avciyî dîyar kerd ke rejîmê qeyûman rejîmê talanî yo û vat: ''Dest nîyabi erkê ma ser zî ma mîyanê şarê xo de yê. Rejîmê qeyûman darbe ya. Îqtîdarê welatî îradeyê şarî xesp kerd. Îqtîdar xem nêkeno ke meseleyê herême çita yê. Qeyûmî bi rehetî têgêrenê. Qeyûmî ne seba şarî ne zî seba komelî têgêrenê.''

Avciyî bale ante ser ke wextê qeyûmî de deynê şaredarîye zêdîyayo, mal û mulkê şaredarîye roşîyayê û meseleyê şaristanî nêameyê çareserkerdene. Avciyî vat: ''Seba çareserkerdişê meseleyan ma projeyê xo nika ra amade kerdî. Ma bi kadroyanê xo yê nikayênan bi hawayêkê cidîyî xebitîyenê. Ma amadekarîyê xo kerdî ke do çita bikerê. Qeyûm yeno û şino la îradeyê şarî mende yo. No şaristan şaristanê ma yo, ameyox zî ameyoxê ma yo.''