Wan de nobeta Demokrasî ya verba qeyûman dewam kena. Çalakîye verê bînaya HDP'yî ya qezaya Rêya Armûşî de ameye viraştene û parlamneterê HDP'yî Mûrat Sarisaç û Muazzez Orhane, endamê Înîsîyatîfê Mayanê Haştîye û xeylî kesî tewrê nobete bîyî.

Hemşaredarê Şaristanê Pîlî yê  Wanî Mûstafa Avciyî cayê çalakîye de qisey kerd. Avciyî ard ziwan ke qeyûm zulm o, vervindertişê verba zulmî zî heqêko tabîî yo. Têkoşînê înan têna verba pratîkê qeyûmî nîyo heman wextî de verba ê kesanê ke wazenê amayoxê welatî tarî bikê yo. Avciyî vat ke no vervindertişê verba qeyûman tewirêko rûmetîn o û do teqez ser bikewo. Avciyî vist vîrî ke kanalanê TV'yî de derheqê HDP'yî de munaqeşe yenê kerdene, labelê temsîlkarêkê HDP'yî tewrê ci nêkenê û va: "HDP amayoxê nê welatî yo. Çi rew çi erey bernameyê sîyasî yê HDP'yî do rayberîya nê welatî bikê. Qeyûm do def bibo û ma do wezîfeyê xo rê dewam bikê. Xoverdayîşê ma do teqez ser bikewo."