Endama Konseya Rayberdişî ya KCKyî Sozdare Avesta roportajêk da Nûçe Ciwan û venga cinîyan ê ciwanan da.

Sozdar Avesta qiseykerdişê xo de Hemleya 'Werin Cenga Azadiyê' selam kerde û vat:

''Cinîyê ciwanî yê çêrî seke şima zanenê Kurdîstan de hêrişê faşîzmê dewleta tirke dewam kenê. Dewleta îşxalkere 17ê nîsane de ancî seba ke gerîlayan çin bikera dest pê hêrişan kerd û gerîlayî Zap, Metîna û Avaşîn de xoverdayîşê bêhempayî kenê. Gerîlayanê YJA-Starî morê xo da nê xoverdayîşî. Ê gerîlayê azadîye yê, ciwan ê.

Pêro dinya de bi taybetî Kurdîstan de polîtîkayê qirkerdiş û tecawuzî est ê. Bi taybeyî serê cinîyan ê ciwanan de polîkayê taybetî est ê. Cinîyê ciwanî her ca de raştê hêrişê sîstemî yenê. Tek cayê nefesgirewtişî seba cinîya Herêmê Pawitişî yê Meyda û refê gerîlayan ê.  Seke Rayber Apoyî vatbi Şorişê Kurdîstanî Şorişê Rojhelatê Mîyanênî yo; Şorişê Azadîya Cinîyan o. Şorişê azadîya cinîyan serêkîya cinîyan ê ciwanan de yeno kerdene. Seke şima zî zanenê menga hezîrane menga şehadetanê Zîlane, Sema û Gulane ya. Ma do qetî xeta înan de ser bikewê. Wezîfeyê cinîyan ê ciwanan o ke sîstemî ra vejîyê teber, her ca de têkoşîn bikerê. Cinîyê ciwanî kamca de benê wa bibê wa serkêşîye bikerê û wayîrê wezîfeyanê xo vejîyê.

Cinîyê ciwanî ewro Komalanê Cinîyan ê Ciwanan de xo rêxistin kenê. Wa pêro cinîyê ciwanî tewrê na rêxistinîye bibê. Zaf girîng o ke cinîyê ciwanî tewrê hemleya ma 'Wextê Azadîye' bibê ke seba azadîya Rayber Apoyî dîyabî destpêkerdene. Cinîyê ciwanî wa na hemle de tewrê Rayraşîyayîşê Azadîye bibê û azadîya Rayberîye bîyarê ca. Gerîlayî hê koyan de vera çeka kîmyewîye, pêro teknîkê dişmenî xo ver danê. Her ca de ma bibê nefesê gerîlayan, vengê gerîlayan, tewrê gerîlayan bibê û çemberê xoverdayîşî awan bikerê. Ewro Kurdîstan de dewlete pê hêzanê xo yê kontra, polîs û leşkeran cinîyan ê kurdan de têkilîye virazena û înan rê fuhuş ferz kena. Nê pêroyî şero taybet o. Wa cinîyê ciwanî pê nînan mexapîyê. Ganî ma vera xo têna bidê hetê gerîlayan. Eke xoverdayîşê Zapî ser bikewo, pêro cinîyî do nêzdîyê azadîye bibê.

Cinîyî kamca de hêriş est bo wa xo bipawê. Pawitişê meşrûyî bîyarê ca. Manîfestoyê ma yê cuya azade Zîlanwarî yo; mesuldarîya ma ya bi Rayberîye Semawarî ya; fermandarîya ma Gulanwarî ya û xeta ma tewirê gerîlayanê YJA-Starî yo. Ma ney hol bivînê û goreyê ci tewrê têkoşînî bibê.

Ganî ma vera pêro hêrişan tewrê Hemleya Komalanê Cinîyan ê Ciwanan û Komalanê Ciwanan 'Werin Cenga Azadiyê' bibê. Wa pêro ciwanê Kurdîstanî wayîrê na hemle û xoverdayîşê gerîlauyan vejîyê. Ma venga pêro ciwanan danê ke serkêşîya YJA-Starî de tewrê nê xoverdayîşî bibê. Seba azadîya Rayber Apoyî, seba welatêkê azadî bêrê şerê azadîye, govenda azadîye. Ma ruhê xoverdayîşê Zap û Îmraliyî pîl bikerê!''