Endama Konseya Serekîya Pêroyî ya KCKyî Sozdare Avesta Stêrk TV de tecrîdê Îmraliyî, hêrişê îşxalî û xoverdayîşê gerîlayan ercnayî.

Qiseykerdişê Sozdar Avesta ra beşêk wina yo:

''Ma seba azadîya Rayberîye Hemleya 'Wextê Azadîye' daye destpêkerdene. Na hemle dinya rê zaf tesîr kerd. La dewleta tirke tecrîd vera kena giranêr. Nê tecrîdî reyde meseleyê Tirkîya zî benê giranêr. Embazê ma yê tepişteyî bi xurtî paştî danê na hemle. Grevê vêşanîye yê înan fîraz o. Her ca de dadîyê tepişteyan, Mayê Haştîye, şarê ma çalakîyanê xo rê ganî dewam bikerê. Şarê ma, têgêrayîşê ma û embazê ma yê tepişteyî vera pêro hêrişan xo ver danê. Ez sere de embazanê zîndanan rê her kesî rê serkewtiş  wazena.

Gerîlayê azadîye 23ê nîsane ra nata vera hêrişanê dewleta tirke pê her çîyê xo xo ver danê. Çalakîyê gerîlayan dewleta tirke binî ra lerznena. Ê çeteyê ke verî bîranê asîtan de kurdî qir kerdêne kewtî pê, kerdişanê xo îtîraf kenê. Çunke ê zî zanenê dewleta tirke ha rijîyena. Gerîlayî ney kenê. Hetê xoverdayîşê gerîlayan ra meseleyêke çin a. Seke embaz Murat Karauilanî vat gerîlayan dewleta tirke xeniqnaya.

Nika vera gerîlayan tewhlukeyo tewr pîl Herêmanê Pawitişî yê Medya de têgêrayîşê PDK yo. Seba serebûtê Metîna Karayilanî veng da ke wa heyetêko xoser bêro cigêrayîşan bikero. Kam ke pêşmergeyî erşawitî uja sûcdar ê yê. Verî înan vat dewleta tirke kerdo dima vat PKKyî kerdo. Dewleta tirke meseleya hêrişan berda NATOyî û vato PKK hêrişê ma û wayûbirayanê ma yê kurdan keno. Dewleta tirke Kurdîstan îşxal kerd, bi hezaran kurdî kiştî. Gelo a çara bena wayûbirayê kurdan?

Seba ke pêşmergeyî waranê gerîlayan ra şorê têgêrayîşê ma zaf veng da. Labelê hema zî ê uca de yê. Gerîlayî hê şerêkê bêhempayî, xoverdayîşêkê destanwarîyî kenê la PDK verê nînan gêno, têkoşînê kurdan rê beno asteng. Xora pêro endamê PDKyî û pêşmergeyî wina nîyê. Mîsal Edhem Barzanîyî na babete de tewirêko rind mojna. Reyna fermandarê pêşmergeyan Ehmed Kelanî vat ' ez do fîşek erzena xo la nêerzena gerîlayan.' Hunermend, roşnvîr, sîyasetmedar û şarê Başûrî vera PDKyî vejîyayî.

Nînan dî ke dewleta tirke ha Başûrî îşxal kena û gerîlayî zî pê xoverdayîşê xo verê ney gênê. Nînan venga pêşmergeyan da ke wa gerîlayan rê asteng mebê. Şarê ma yê Silêmanî, Germîyan, Mexmûr, Şingal, Qendîl û ê bînî çalakîyanê xurtan kenê. Ganî medyaya PDKyî zî nê terefgîrîya şerî ra fek vera bida. Ganî kurdî nê wextî de yewîya xo bîyarê ca û pîya vera îşxalî wurzê payan ser.

Ganî PDK pê xîretanê Înîsîyatîfê 'Kurdîstanî Bipawê' sereberz bo û polîtîkayanê hemkarîya bi Tirkîya war verdo. Ganî PDK pêşmergeyanê xo waranê gerîlayan ra apey bigêro û hînî paştî medo dewleta tirke. Na babete de tewirê şarê ma zaf girîng o û do netîceyêka başe bivisno destî.''