Hêrişê îşxalî yê dewleta tirke ya îşxalkere yê vera  Başûrê Kurdîstanî dewam kenê. Dewleta tirke nika zî dormeyê waranê roniştişî dana bombayan ver.

Dewleta tirke ya îşxalkere dormeyê cewa Tuteqelî ya qezaya Çemçemalî ya Silêmanî da bombayan ver. Rîyê nê hêrişî ra  dewe de şewat vejîya û vila bi.

Dîya zanayene ke herême de şewat çend şino hîra beno. Seba rîskê hêrişî est o şar nêeşkeno şiro şewatî hewna bikero.