Hukmatê tirkî Çewlîgî sey cayê karantîna şuxulneno. Badê Macarîstanî na rey zî Karadagî ra teyarayêke ameye Çewlîg. 148 kesê ke Karadagî ra ameyî taxa Kaleonu de cayê mendişî yê wendekaran de gerîyayî binê karantîna.
Bi talîmatê Serokkomarê Tirkî Recep Tayyîp Erdoganî 59 welatan ra nizdê 25 hezaran hemwelatijê Tirkîya yenê berdene Tirkîya. La nê kesê ke teberê welatî ra yenê û rîskê Korona ê înan esto bajaranê Kurdîstanî de yenê cakerdene.
Çewlîg de verî 123 kesî Macarîstanî ra ameyî ardene û semedê 14 rojan gerîyayî binê karantîna. Aye ra dima ame vatene ke do teyarayêke Moldovo ra bêro Çewlîg la dima ra na teyara herinda Çewlîgî de şîye Erzirom. Na rey zî 148 kesê ke bi teyarayêke Karadagî ra ameyî taxa Kaleonu de cayê mendişî yê wendekaran de gerîyayî binê karantîna.
