Serekê Pêroyî yê YNKyî Bafil Talabanî semedê şervananê QSDyî ke 15ê adare de qezayê helîkopterî de şehîd bîyî, mesajê serweşîye weşana.

Bafil Talabanî ard ziwan ke şehadetê şervananê QSDyî ra dejo pîl anto vat: ''Şehîd Servan Kobanê û YAT Rojawan de vera çeteyanê DAÎŞî têkoşîno xurt kerd û herra Kurdîstanî terorî ra pawit û morê xo da binê tarîxî ro ke bi serrkewtişî pirr o.''

Talabanî ard ziwan ke o bi tarîxê beriqîyayeyî yê Yewîyanê Antî-Terorî yê Rojawanî ke semedê pawitişê herra Kurdîstanî şer kenê û destananê tarîxî nusenê, sereberz o.

Talabanîyî vat: ''Ez sere de fermandarê pêroyî yê QSDyî, şervananê QSD û YATî û heme şarê Kurdîstanî rê serweşîye wazena.''