Dewleta tirke Başûrê Kurdîstanî de waranê sîvîlan dana bombayan ver ke bi destê PDKyî dewan veng bikero.

Teyarayanê şerî yê dewleta tirke16ê çeleyî de dewê Spîndarê, Mijê û Kevne Mijêyê yê Amediyê dayebî bombayan ver. Dewleta tirke eşkerayîya fermî dayebî û vatbi, ''merkezê PKKyî ameyî pirodayene.'' Ame musayene ke cayê ke dewleta tirke dayî bombayan ver keye û axûrê şarî yê.  Şarê dewe hema zî nêeşkeno şiro dewanê xo. Selahîyetdarê PDKyî nêverdenê dewijî agêrê dewanê xo.

Dewleta tirke 25ê çeleyî de dewa Sergelî ya Amedîyê de çewlikêk, 26ê çeleyî de dewa Kenvê Mijê de merkezê weşîye dabî bombayan ver. Bombardumanê giranî reyde herême bi tank û hewanan zî dîyabî bombayan ver.

Hetê bînî ra dîya zanayene ke selahîyetdaranê PDKyî newala mabenê Amediyê û Şêladizê de mixtarê xeylêk dewan hîşyar kerd ke wa semedê vengkerdişê dewan hazirîya xo bikerê.