Heyetê Îdareyî yê Baroyê Dêrsimî seba ke bira feshkerdişê Peymana Îstanbulî bêra betalkerdene muracatê Mehkemeya Îdarî ya Berze kerd.

Serekê Baroyê Dêrsimî Kenan Çetînî da zanayene ke Peymana Îstanbulî vera şîdetî cinî û domana pawena coka înan muracatê mehkeme kerd.

Çetînî vat: ''Erkê ma esto ke ma vera na bira feshkerdişî dewa abikerê. Serekkomar nêeşkeno bi sereyê xo Peymana Îstanbulî fesh bikero û no kerdiş dûştê qanûnê bingeyî yo.''

Çetînî ard ziwan ke sey Baroyê Dêrsimî ê hetê heqan û têkoşînê cinîyan de yo û vera şîdetê serê cinîyan ê.