20ê tebaxe de dewleta tirke ya îşxalkere dewa Kanî Mezinî ya Kanîmasî daye bombayan ver. Eşîra Berwarî ra Mamosta Xalit Abdurrahmanî wexto ke seba hetkarîya gerîlayan şîyêne hêrişê dewleta tirke de şehîd bi. Mamosta Xalid bi sîmgeyê welatperwerîya şarê Behdînanî. Mamosta Xalidî derso tewr pîl da PDK. PDK tim ano ziwan ke sebebê hêrişanê TCyî gerîla yê û şarê Başûrî gerîlayan nêwazeno.

Roşnvîro kurd o kokim Mamosta Xalid rixmê şîretanê cinîye û domananê xo mudaxeleyê hêrişî kerd. Ganî PDK nê serebûtî weş analîz bikero. Îşxalê Başûrê Kurdîstanî polîtîkaya dewleta tirke yo, netîceya cabîyayîşê gerîlayan nîyo.

Tewirê Mamosta Xalidî tewirê pêro şarê Behdînanî û Başûrî yo. Gerîlayo zaxoyij Egîd Çîyayo ke 25ê tebaxe de Heftanîn de şehîd bi qala ney kerdêne. PDKyo ke têkoşînê gerîla Egîd Çîyayî nêdîyo, têna hemkarîya dişmenanê kurdan keno.

Dewê Kanî Mezinî seba ke gerîlayêko birîndar xelisna û ci rê hetkarî kerd binê tedaya asayîşê PDKyî de yê.  Wexto ke Qirkerdişê Helebçe ame kerdene PDK Saddam Huseyînî reyde ame têhet û verar şi ci. Pêro dinya no dî û vat 'Aseno ke mabênê kurdan û Saddamî de meseleyêke çin a.'

Coka ma tewirê înan ê seba Kanî Mezinî ra şaş nêmanenê. Merdimê Mamosta Xalidî seba ke baxçeyê xo ra cenazaya ey bigêro neçare mend ke TCyî ra destûr bigêro. TCyî zî qasê nêm saete destûr da keyeyî û keyeyî rê gef wend ke eke nêm saete de cenazaya xo nêgêro teyarayî danê keyeyî ro.

Hêvî ya ke wayîrê na hişmendîye siba bi hîşmendîya kurdayetîye çimanê xo şîyar benê û xo destê îşxalkeran ra xelisnenê. Beno ke o çax Kurdîstano azad zî beno raştikên.