Komîsyonê Weçînayîşan ê Berzî yê Xoserî yê Iraqî eşkra kerd ke Herêma Kurdîstanê Federalî de nêmroje ra nata teyna se ra 31ê kesî tewrê weçînayîşan bîyo.

Hewlêr de se ra 34, Silêmanî de se ra 29, Dihok de se ra 31 û Helebçe de se ra 33 kesan rayî dayî.

Weçînayîşanê 2018î de se ra 59 kesî şîbî sindoqan ser.

Herêma Kurdîstanî de 2 mîlyon û 638 hezar weçînitoxî est ê û parlemento de seba wekîlan 100 kursîyî est ê.

Serekê Polîtburoyî yê YNKyî venga pêro weçînitoxan dabi ke şorê sindoqan ser.

Berpirsîyarê Weçînayîşanê Herêma Dihokî Hecî Silêvaneyî vat ke komanê PDKyî bi zorî weçînitoxî asteng kerdê.

Serekê Komîsyonê Weçînayîşan ê Berzî yê Xoserî yê Iraqî Omar Ehmedî da zanayene ke raydayîş do 18.00 de biqedo û netîceyî do mîyanê 24 saetan de eşkera bibê.