Herêma Kurdîstanî de weçînayîşê parlamentoyî yê dewrê 6inî ewro saete 07.00 de dest pêkerd. Raydayîş do heta 18.00î dewam bikero.

Qasê 3 mîlyon weçînitoxî Dihok, Hewlêr, Silêmanî û Helebçe de raye danê.

Serekê YNKyî Bafil Celal Talabanîyî Silêmanî de Dibistana Rewşanî de raya xo daye. Talabanîyî dima ke raya xo daye çapemenîye rê vat: ''Ma do peynîya nê îqtîdarê tekperestî bîyarê.''

Talabanîyî seba destekê ey Serfermandarê QSDyî Mazlûm Ebdîyî rê sipas kerd.

Mesrûr Barzanîyî û Lîderê PDKyî Mesut Barzanîyî zî Hewlêr de rayê xo dayî. 

Serekê Iraqî Latîf Reşîtî Bexdad de raya xo daye û vat: ''Ez hêvî kena ke no weçînayîş bi serkewtişî do biqedo.''

Hetê bînî ra Serekê Cepheyê Şarî Lahor Şêx Cengîyî Silêmanî de venga pêro kesan da ke wa şorê sindoqan ser. 

Serekê Heyetê Rayberdişî yê Komîsyonê Weçînayîşan Hakîm Umerî zî pare kerd ke heta nika weçînayîşî bê mesele dewam kerd.

Weçînayîşî hetê Temsîlkarê Taybetî yê Iraqî yê NYyî û Serekê UNAMI Dr. Muhammed El Hasanî ra yenê teqîbkerdene.