Qendîl de bi tewrbîyayîşê hezaran kesan Newroze ameye pîrozkerdene. Hemserekê Konseya Rayberdişî ya KCKyî Cemîl Bayikî Newroza Qendîlî bi mesajêkê bi dîmenî pîroz kerd. Bayîkî veng da şarê Başûrê Kurdîstanî ke wa paştî bido PKKyî.

Bayikî vat: ''Seke yeno zanayene gerîlayan Anqara de çalkîye kerde, Zap te çalakîye kerde. Nê çalakîyan dewleta tirke ser û bin kerd. Çunke înan vatênê ke înan maneyê PKKyî şiknayo. Bi na propaganda her kes xapînayene ke bi nê çalakîyan zûrê înan vejîyayî meydan. Coka ser û bin bîyî û semedê qesasî dahîna zaf Rojawan hedef girewt. Rojawanî ser o bombayî varnayî. Çunke dewleta tirke têna dişmenê PKKyî nîya, dişmena şarê kurdî ya. Kurdanê azadan nêwazenê, wazenê kurdan çîn bikerê. Coka hêrişê şarê kurdî, Rayber Apoyî û PKKyî kenê. Çunke PKK şeref, ruh, nasname û ameyoxê şarê kurdî yo. Dewleta tirke ya ke wazena qirkerdişê vera kurdan temam bikero verê xo de têna Rayber Apo û PKKyî sey astengî vînena, coka hêriş kena. Rayber Apo û PKK pabesteyê şarê kurdî yê û semedê azadîya înan têkoşîn kenê.C oka vera Rayber Apo û PKKyî sîyasetêkê leyminî rayra benê.

NATOyî hetkarîya dewleta tirke kerd la nê qîm nêker, keyeyê Barzanî hetkarî kerd nê zî qîm nêkerd. Nika Iraqî reyde plan programan kenê.Eşkerayo ke zextê vera Iraqî ra çîyêk fînayo dest. No zî nê mojneno ke verê ma de şero gird est . Eynî wextî de mojneno ke PKK senî wayîrê hêzê pîlî yo û PKK senî  eşiqê azadîya şarê kurdî, Kurdîstanî û merdimîye yo. Coka wazenê hêzê xo bikerê yew, derbe bidê PKKyî ro û heme Kurdîstan de qirkerdişî temam bikerê. Wa her kes bizano ke no waştişê înan do mero ca. Şarê kurdî qerarê azadîye girewto û semedê nê her çî girewto çim. Coka çew nêeşkeno kurdan çîn bikero. Nê şarî hende bedelê giranî dayî, do ser bikewo.

Ganî şarê ma wayîrê hemleya ma ya ke semedê  azadîya fîzîkîye ya Rayber Apoyî û statuyê Kurdîstanî dîyaye destpêkerdene, vejîyo. Eke na hemla bireso armancê xo dewletê qirkerî nêeşkenê vera kurdan polîtîkaynê qirkeran bidê domnayene. No sîyaset qedîyen. Qirkerdişê vera kurdan qedîyenê. Şarê kurdî bi ziwan, nasname, şeref û kulturê xo eşkeno biciwîyo. Coka Newroza emserî ganî azadîya fîzîkîye ya Rayber Apoyî bîyarê ca û semedê kurdan statuyî aver bêro.  Na Newroze, Newroza azadîye ya. Şarê ma ganî na çarçewa de têbigêro. Ez reyna Roşanê Newroze û aşma bimbarek Remezanî bimbarek kena. Şima pêrune rê serekwtiş wazena.''