Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî yê dewleta tirke de eşkerayîyêke daye.

Eşkerayîya HPGyî  wina ya:

Hemleya Şorişgêre ya Bazanê Zagrosî

25ê gulane de warê Mêzê yê herêma Avaşînî de îşxlakerî ameyî pirodayene. Çalakîya ke bi çekanê ferdîyan mesafeyo nêzdî ra ameye  kerdene de 3 îşxalkerî ameyî cezakerdene û îşxalkerêk zî birîndar bi. Badê çalakîyê îşxlakeran herême caverda û peyser ancîyayî. 26ê gulane de Qilê Şehîd Serxwebûnî yê warê Çîyayê Reşî yê herêma Zapî de hêzanê ma kameraya mobesse ferq kerd û peyser ancîyayî. Dima ra tîya vera îşxalkeran çalakîya sabotajî kerde. Çalakîye de 2 îşxlakerî ameyî cezakerdene. Hêzanê ma yê YJA Starî 28ê gulane de Qirrika Nêrwe ya Qilê Şehîd Mervanî de çalakîya sûîqestî kerde. Tîya îşxalkerêk ame cezakerdene. Îşxalkeranê ke waştêne avêr şirê peyser agêrayî.

Hemleya Şorişgêre ya Cengê Xabûrî

28ê gulane de işxalkeranê ke Qilê Zendûra ya herêma Metîna de waştêne debikewê tunelanê şerî vera înan çalakîye ameye kerdene. Îşxalkerê ke biîsabet ameyî pirodayene peyser agêrayî.

Hêrişê hewayî

Artêşa tirke vera Herêmanê Pawitişî yê Medya pê helîkopter û teyarayanê şerî hêriş kerd. 27ê gulane de warê Ciloyê Qicî û Sîda yê herêma Zapî pê teyaranê şerî ameyî bobmardumankerdene. Erazîya Sîda de şewat vejîya. Warê Mervanosî û Şukê yê herêma Avaşînî de zî têgêrayîşê teyaran estbi. Eynî roje warê Ciloyê Qicî, Dola Şehîd Ozgur, Şehîd Serxwebûn û Herfa Tyî yê Zapî pê helîkopteranê hêrişî ameyî bombardumankerdene. 28ê gulane de warê Çemço yê Zapî pê teyarayanê şerî ame bombardumankerdene. Nê hêrişan de vînîbîyayeyê ma çîn ê.