Merkezê Îrtîbatî û Çapemenîye yê HPGyî derheqê çalakîyanê gerîla û hêrişanê îşxalî de eşkerayîyêke daye.

Eşkerayîye wina ya:

''Çarçewa Hamleya Serkewtişê Şorişgêrî de ke Eyaletê Serhedî de dewam keno, hêzanê ma vera artêşa tirke ya îşxalkere çalakîyê xurtî kerdî. Goreyê naye; 28ê tebaxe qezaya Bazidî ya Agirî de warê mabênê qereqolanê Serêkanî û Girberana de hetê hêzanê ma ra gêrîya binê kontrolî. 29ê tebaxe de yewina dişmenî bi paştdayîşê teyarayanê keşfî têgêraye. Hêzanê ma yê ke 5 metreyan cayî ra dûr bîyî, derbê giranî da yewina dişmenî ro. Îşxalkerî na çalakîye ra dima kewtî panîk û herême ra remayî. Na çalakîye de yewê ci payeberzî 8 leşkerê îşxalkerî ameyî kiştene. Artêşa tirke ya îşxalkere çalakîye ra dima bi çekanê giranan der û dor da bombayan ver û bombarduman hema zî dewam keno.

Dewleta tirke ya îşxalkere medya de xeberê zûrayînî pare kerdî û îdîa kerd ke têna di kişteyê înan estê û hûmara raştikêne nimnaye. Eşkerayîyê dewleta tirke ya îşxalkere çarçewa şerê taybetî de yenê amadekerdene û raşt nîyê.

Çarçewa Hamleya Şorişgêre ya Şehîd Bager û Şehîde Ronya de hêzanê ma 28ê tebaxe de qezaya Çelê ya Colemêrgî de Tepê Girî de da kozikanê artêşa tirke ya îşxalkere ro. Netîceya çalakîye de 2 kozikê ke tede leşkerê dişmenî estbî ameyî îmhakerdene. Hûmara kişte û birîndaran nêameye zelalkerdene.

29ê tebaxe de artêşa tirke ya îşxalkere bi obus û hawanan warê Mawata, Dirê û Geliyê Basya yên herêma Avaşînê yê Herêmanê Pawitişî yê Medya dayî bombayan ver. Netîceya bombardumanî de şewat vejîya û no şewat hema zî dewam keno.

Nasnameyê şehîda Zapî eşkera bîye

Ma eşkerayîya xo ya 27ê tebaxa 2020î de dabi eşnawitene ke 18ê tebaxe de warê Cîloyî yê Biçûkî yê herêma Zapî de hêrişêkê hewayî yê artêşa îşxalkere de embaza ma Şîlane şehîd bîye. Zanayîşê derheqê nasnameyê embaza ma ya şehîde de wina yê:

Nameyê Qodî: Şîlane Koçer Name û Peyname: Hiyame Kasim Cayê Bîyayîşî: Dêrik Maye-Pî: Ayşe-Nûh Tarîx û Cayê Şehadetî: 18ê Tebaxa 2020î / Zap

Embaza ma Şîlane serra 1993î de Dêrik de dadîya xo ra bîye û keyeyêkê welatperwerî de bîye pîl. Embaze Şîlane tewra Şorişê Rojawanî bîye, tede aktîf bîye û her tim zana ke azadîya Kurdîstanî bi têkoşînê hemparî mumkîn bena. Embaze Şîlane bi cu, tewir û tewrbîyayîşê xo bîye temsîlkara xeta milîtanîye. 

Sere de keyeyê ci yê ercîyayeyî rê ma pêro şarê Kurdîstanî yê welatperwerî rê serweşîye waşte. Ma soz danê ke ma do têkoşînê azadîye yê şehîdanê xo yê çêran ser bivisnê.''