Bazirgananê heywanan ê Xozat û Çemişgezekî yê Dêrsimî rê hetê Qeymeqamîya qezaya Refahîye ya Erzînganî ra destûr nêdîya ke şorê wareya. Serê sînorê Refahîye de cendirmeyan bazirganî vindarnayî û berdî qereqolanê Mutu, Dagyolu û Pilemurîye.

Bazirganan eşkera kerd ke dekewtişê Dêrsimî de 4 heywanê înan merdî û semedo ke çewlîgê lajê Wekîlê AKPyî Bînalî Yildirimî uca de yo destûrê dekewtişê wareyî nêdîyeno înan.

Bazirganan vera rewşe nêrazîbîyayîşê xo mojna û eşkerayîya çapemenîye daye.

Bazirganan ra Gulabî Gulerî da zanayene ke Mudirîya Zîretî destûrê wareyî da la qeymeqamîya Refahîye ê asteng kerdî. Gulerî vat: ''Ma 27 saetî rayîr de yê, 4 heywanê ma rayîr de merdhî. Çew vatêne qey ma hê kondox kirişenî ê verê ma de wina têgêrayî. Ê vanê 'ma hetê şima de yê' la ma bîyî mexdûr. Nika zî ma heywananê xo seba 10 rojan benê dewa Beydamî.''