Zap de şerê azadîye û estbîyayîşî yê gerîlayan ê vera îşxal û îxanetî ho menga diyîne temam keno. 'Lapadê Zapî' erzîyeno rîyê artêşa tirke. Kurojahro, Şikefta Birîndara, Çiyareş û Ertûş de têkoşîn dewam keno. Tunelê şerî, tîmê hereketînî, yewinê suîkastî û sabotajî. Bi hezaran gerîlayê ke emrê xo nayo serkewtişê nê şerî ser.

Hema menga yewine ya şerê Zapî de îdîaya serkewtişî ya gerîlayan, perwerîya înan a bi Rayberîye û azadîye, westetîta înan a şerî û xeta serkewtişî de israrê înan bîyî sebebê nê tabloyî. Nê tabloyî kerd ke helîopterê ke nêeşkenê têbigêrê, teyarayê şerî yê ke seba ke nêeşkenê gerîlayan hedef bikerê erazî danê bombayan ver, cenazayê leşkeran ê ke bi rojan o binê kendalan de yê û nasnameyê înan nêameyê eşkerakerdene, leşkerê ke gelîyanê xorinan ê Zapî de teng bîyê û psîkolojîya înan xeripîyaya.

Destê artêşa tirke de têna çeka kîmyewîye, gazê kîmyewîyî û teqaberê pîlî mendî. Artêşa tirke ya ke par Avaşîn de zî wexto ke teng bîye heman çi kerd, Zap de kena ke pê nê çek û gazan şerî bikera.

Artêşa tirke ya ke emser leşkerê ci hîna rehet nêeşkenê nêzdîyê tunelanê şerî binê, pê teyarayanê şerî tunelanê şerî bi bombayanê kazan û roketî yê ke tede gazê kîmyewîyî est ê,  dana bombayan ver. Çiyareş, Şikefta Birîndara, Şehîd Şahîn, Werxelê û Kurojahro de hêrişanê hewayî de gazo kîmyewîye şuxilîyeno. Seba ke gerîlayan tedbîrê xo girewtî verê şehadetan yeno girewtene. La reyna zî Çîyareş de 8, Kurojahro de 5 gerîlayî netîceya çekanê kîmyewîyan de şehîd bîyî.

Artêşa tirke ya ke her gama xo ya xirabe ra dima dest erzena teknîkê NATOyî, seba ke sendromê Zapî ra vejîya, tayêk moral bida leşkeranê xo û pê şer bikera her roje metodêkê bînî xebitnena. Şuxilnayîşê gazê kîmyewî zî gama ci ya peyên a. Artêşa tirke ya ke mîyanê na bêçaretîya kîmyewîye de zorî ancena, ver bi binkewtişê xo yê Zapî yê tarîxî şina.