Endama Koordînasyonê PAJKî Şîmale Ulkem Guneş tewrê 'Bernameyê Taybetî' yê Stêrk TVyî bîye û rojdem ercna.

Şîmale Ulkem destpêk de şehîdê menga gulane yad kerdî û dîyar kerd ke raştîya şehîdan raştîya PKK û PAJKî yê, partîbîyayîş xeta şehîdan de bîyo.

Şîmale Ulkem bale ante têkoşînê seba azadîya Rayberê Şarê Kurdî Abdullah Ocalanî ser û ard ziwan ke şexsê Abdullah Ocalanî de pêro kurdan rê tecrîd yeno ferzkerdene û hînî na raştîye hetê şaran ra bi hawayêkê eşkerayî ameya famkerdene.

Şîmale Ulkem vat: ''Şero esas Îmrali de yeno kerdene. Wa çew mesajanê şaşan nêdo. Bi weçînayîşêkê neweyî yê sîyasî, bi vurîyayîşêkê sîyasî yê Başûrî yan zî bi xoserîya Şingalî no şer do nêqedo, meseleya kurdan do çareser nêba. Ma rê kilîd Îmrali yo û bedelê ci çi beno wa bibo ma do nê kilîdî bişiknê. 

Verê azadîya Rayber Apoyî û caardişê şorişê Kurdîstanî de astengîya tewr pîle hemkarîya PDKyî ya bi îtîfaqê AKP-MHPyî ya. Vera gerîlayanê ke ewro erdê Herêmanê Pawitişî yê Medya pawenê, hêzê taybetî yê PDKyî hemkarîya dewleta tirke kenê, gerîlayan ser o îstîxbaratan danê. Hewlêr bîyo baregehê tirkan. No zî xîyanet o û şarê kurdî do nê îxanetî xo vîr a mekero, qebul nêkero. Şarê kurdî qetî do keyeyê Barzanîyan ra hesab biperso.''

Şîmale Ulkem xoverdayîşê Bazanê Zagrosî yê gerîlayan selam kerd û pare kerd ke dewleta tirke seba îmhakerdişê şarê kurdî dest pê konseptêkê neweyî yê şerî kerdo. Şîmale Ulkem vat: ''Gerîlayî bi îdeolojîya Abdullah Ocalanî, bi kulturê xoverdayîşî şer kenê, Zagrosan de destanî nusenê. Ganî her kes nê prosesî de ca bigêro û xebata sîyasî, leşkerî û dîplomatîke bikero.''