Serkêşîya Serekwezîr Muhammed Şîya Sûdanîyî de kombîyayîşê 19inî yê Heyetê Wezîran ê Iraqî de derheqê Iraqî de tay birî ameyî girewtene. 

Heyetê Wezîran bira serê Projeyê Rafînerî ya Kerkûkî tesdîq kerde.

Heyetî bire daye ke çarçewa teqîbkerdişê rewş û neweraawankerdişê Şingalî de erazîyê ke mulkîyetê înan dîyabî Wezîrîya Îskanî wa apey bêrê dayene Şaredarîya Şingalî.

Ancî bire dîyaye ke wa Wezîrîya Koçker û Multecîyan rê derheqê keyeyanê kampan ê Şingalî de agahîyî bêrê dayene. Goreyê nê agahîyan seba ê keyeyanê ke agêrenê Şingalî bînayî do bêrê viraştene.