Endamê Komîteya Rayberdişî ya PKKyî Duran Kalkanî derheqê Komployê 9ê Teşrîna Verêne de ajansê ma rê qisey kerd.

Qiseykerdişê Kalkanî ra tayê noqtayê girîngî wina yê:

''26 serrî yo serkêşîya Rayber Apoyî ma vera hêrişanê Komployê Mîyanneteweyî xo ver danê. Rayber Apo Sûrîye ra ame vetene û komplo dîya destpêkerdene. Şexsê Rayber Apoyî de qirkerdişê kurdan ame hedefkerdene. La xoverdayîşê Rayber Apoyî û şarê ma planê komplogeran pûç kerdî. 

Komplo 9ê teşrîna verêne de sey hêrişê îmha vejîya werte. 15ê sibate seba îdamê Rayber Apoyî amebi kerdene. Îmha bi îdamî do biameyêne kerdene. La bi têkoşînî verê îdamî ame girewtene. Dima ame armanckerdene ke Rayber Apo mîyanê Îmraliyî de bêro pûçkerdene. La Rayber Apoyî bi viraştişê paradîgmaya xo no zî veng vet. Rayber Apoyî Îmrali de şorişêko felsefî û kulturel kerd. 

Mabênê komployî û qirkerdişê kurdan de yew torre est a. Wextê komployî de mîyanê ma de tasfîyekerî vejîyayî werte. Nînan vatêne qey komplo nêno pûçkerdene. Ganî armanc û netîceyê komployî hol bêrê famkerdene.

bi komployî ame waştene ke astengîyê verê qirkerdişê kurdan wedarîyê. PKK tim seba hêzanê komplogeran û serdestan astengîyêke bi. Nê hêzî wazenê ke PKKyî qels bikerê coka hêverî komplo ame ceribnayene. Nika zî nê hêzî paştî danê operasyonanê îşxalî yê dewleta tirke. Wina aseno ke nika ma prosesêkê girîngî de yê. Kurdîstan de şer est o. Beno ke şer vilayê her cayî bibo.

Ganî ma têkoşînê xo bingeyê Hemleya Azadîye ya Globale de hîna pîl bikerê. Ganî ma pêro îmkan û firsendan hol bivînê. Hinî komplo û Şerê Dinya yo 3. têzere bîyê. Heta nika zaf planê komployî ameyî pûçkerdene. Hemleya Azadîye azadîya Rayber Apoyî hedef kena. Nê 26 serran de bi binkerdişê plananê komployî ame dîyene ke komplo eşkeno bi temamî bêro binkerdene. Ganî ma hîna zaf xo rêxistin bikerê, cesur û fedakar bibê. Hinî ma asta netîcegirewtişî de yê.''