Bi seyan keyeyê êzidîyan ê ke  kampanê Duhok û Zaxo de bi zorê PDKyî yenê tepiştene, seba ke vera înan vatişê nefretî û tehdîtî yenê kerdene kampan ra remayî.

Seba ke xutbeyanê malayan ê cumîyanê Duhok û Zaxo û hesabanê medyaya sanele ya PDKyî ra vatişê nefretî ameyî kerdene, bi qesawetê hêrişî kampan ra remayî.

Bi seyan êzidîyê ke remayî înan ra tayî resayî Şingalî. Dîya zanayene ke hema agrayîşê Şingalî dewam keno. Dewketişê Şingalî de bi seyan wesayîtî resayê pê. Keyeyî hetê Îdareyê Xoserî yê Şingalî û hêzanê asayîşî ra yenê pêşwazîkerdene.

Îdareyê Xoserî vera îhtîmalê hêrişê vera êzidîyan veng da Iraqî ke wa lazebez tedbîranê asayîşî bîgêro.