Rixmo ke AKP û MHPyî Îdir de namzedo hempar vetbi DEM Partî şaredarîye girewte.  Hemşaredara Îdirî Necla Kum netîceyê weçînayîşan ANFyî rê ercnayî.

Necla Kum pare kerd ke şarî bi bedelê têkoşînê 40 serran, bi ked û hişmendîya xo ya neteweyîye, bi asta xo ya polîtîke û bi tewrbîyayîşê prosesê weçînayîşan nê netîceyî vistê destî. Necla Kum vat: ''Bi moral û motîvasyonêkê pîlî berê serkewtişî ame akerdene. Weçînayîşan ra pey zî şarî bi qerardarî û cesaretî wayîrê destkewteyanê xo vejîya û îradeyê xo eşkera kerd.''

Necla Kum vist vîrî ke AKPyî 2014 û 2019 de bi hawayêkê bêhuqûqî şaredarîyî xesp kerdbî û vat: ''Polîtîkayanê qeyûman sey waştişê înan netîceyêke nêdaye îqtîdarî. Eqsê ci polîtîkayanê qeyûman ra AKP bin kewt. Kerdişanê antî-demokratîkan Kurdîstan de îflas kerd. La kurdan de hişmendîya îrade û neteweyîye berz bîye.''

Necla Kum pare kerd ke ê do bi projeyanê xo hetê şarî de bibê, sozanê xo bîyarê ca û bi xizmetanê xo şarî rê sipas bikerê.