Hemwelatîyanê Binarê Qendîlî hemkarîya PDKyî ya bi dewleta tirke ya îşxalkere û hêrişê PDKyî yê vera Têgêrayîşê Azadîya Kurdîstanî Binarê Qendîlî de bi çalakîyêke şermezar kerdî.

Çalakîye de Endamê Meclîsê Şarî yê Binarê Qendîlî eşkerayîye wende. Ehmedî pare kerd ke PKK seba pêro parçeyanê Kurdîstanî têkoşînê azadîye keno. Ehmedî îfade kerd ke PDK bi hemkarîya xo ya dewleta tirke îxanetê dewaya azadîye keno. 

Ehmedî bale ante hêrişanê PDKyî yê vera gerîlayan ser û vat: ''Seba ke gerîlayî vera dişmenî çalakîyan nêkerê PDK erdê Başûrî de baregeh û noqtayanê kontrolî yê xo de artêşa tirke ya îşxalkere cakeno. 24-25ê çeleyî de PDKyî bi dafikêke hêrişê gerîlayan kerd. Ganî pêro şarê kurdî û hetê sîyasîyî vera îxanetê PDKyî wurzê we.''