Hemserekê Pêroyî yê HDP'yî Sezaî Temellî û Pervîn Buldane yê ke xebata meclîsî 3 rojan boykot kerde, Amed de tewrê çend kombîyayîşan bîyî. Buldane û Temellî ewro temsîlkaranê KKP, Partîya Azadî, DBP, PÎA, KDP-Vakur, KDP-T û Têgêrayîşê Azadîye reyde roniştê.

Kombîyayîş de serê hêrişanê îşxalkaran ê verba Vakur û Rojakewtena Sûrîye, yewîya neteweyî û destsernayîşê şaredarîyan de do bêrê vindertene. Parlamenterê HDP'yî Saruhan Oluç, Îmam Taşçier û Nejdet Îpekyuz zî tewrê kombîyayîşî bîyî.

Hemserekê Pêroyî yê HDP'yî Sezaî Temellî û Pervîn Buldane do ewro şorê zîyaretê esnafanê Baglarî û Sûrî.