Fermandarîya Qerargehê Merkezê Pawitişê Şarî (MPŞ) bi eşkerayîyê da zanayene ke Operasyonê Şorişgêrî yê Şehîd Helmet Dêrelûkî de gerîla Serxwebûn Serhed çalakîya fedayîye kerda. 

Eşkerayîye wina ya:

''Wexto ke ma dîmenanê Operasyonê Şorişgêrî yê Şehîd Helmet Dêrelûkî yê 12ê çeleyî ser o cigêrayîşî kerdî ma fam kerd ke embazê ma Serxwebûn Serhed (Sefa Altunay) bi qerardarîya fedayîye şîyo çalakîye.Her çiqas ma çalakîyêka winayêne plan nêkerdbî zî embazê ma Serxwebûnî bi nimitkî na çalakîya fedayîye plan kerda Embaz Serxwebûnî dima ke erk û mesuldarîya xo ya operasyonê şorişgêrî kerdî bi cesaretêkê pîlî, çalakîkerî û netîcegirî û bi ruhê fedayîyî peynîya operasyonî arde. Embazê ma Serxwebûnî bi ruhê fedayî yê Apogîrî, bi înîsîyatîfê xo çalakîya fedayîye ya fîraze kerde. Embazê ma Serxwebûnî şehadetê xo ra ver vîdeoyêk girewto. Cigêrayîşê serê nê vîdeoyî ra dima ma fam kerd ke ey çalakîye senî kerda.''

Şehîd Serxwebûn Serhedî vîdeoyî de nê çîyî ardî ziwan:

''Serrê 2022 û 2023yî giran bîyî. Nê serran de embazê ma û fermandarê ma yê ercîyayeyî şehîd bîyî. Pêroyê înan yew parçeyê ma bîyî. 

Ma sey yew kesî nêşinê na çalakîye. Şexsê ma de tarîx şino serê dişmenî û hesab perseno. Ma qesaso tarîxî yê. Heman wextî de nameyê Şehîd Savaş Maraşî ser o hemleyêke dîyaye destpêkerdene û nika ma zî na hemle de cagênê. No seba ma şensêko pîl o. 

Kar û barê ma giran ê. Ganî ma pêro erk û mesuldarîyanê xo bîyarê ca ke cewab bidê qîrayîşê dadîyanê Kurdîstanî ganî ma bedelê ronîkerdişî, awankerdiş û cewabdayîşê domananê nê şarî bidê.

Ma bi îrade û qerardarî seba ke dişmenî çin bikerê şinê ser. Ganî dişmen tîya de bi rehetî nêmano. Ma Zap de bimojnê ke wa dişmen bi rehetî nêeşkeno erdê ma de cabido xo.

Şarê ma tim vano ke 'gerîlayê ma est ê; ê do hesab bipersê.' Ma hêzê fedayî yê ke do hesab bipersê. Seba ke şarê ma tim sereberz bo ma şinê dişmenî ser. 

Mîyanê PKKyî de embazîyêka cîya est a. Ma deyndarê na embazîye yê. Ma kenê ke bibê layîqê na embazîye. 

Hetê bînî ra ma deyndarê tarîxî yê. Ma sey tornanê serewedaritoxanê serranê 1925 û 1930an vera heman dişmenî şer kenê. Ma do wayîrê vîrameyîşanê înan vejîyê. 

Rayberê ma wextêkê dergî ra nata mîyanê tecrîdî de yo. Şexsê Rayberîye de şarê ma yeno tecrîdkerdene. Seba şiknayîşê tecrîdî destê ma ra çi bêro ma amade yê ke bikerê. Erkê ma yo ke ma azadîya Rayberîye bîyarê ca. Ma bi na îdîa û qerardarî şinê na çalakîye.

Ez pêro embazan rê serkewtiş wazena.''