Komelê Îslamî yê Kurdîstanî (CÎK) bi eşkerayîyêke da zanayene ke wexto ke Wezîrê Karanê Teberî yê Tirkîya Hakan Fîdanî Başûr zîyaret kerdêne dewleta tirke Başûr de sivîlî qetil kerdî.

CÎKî bêvengîya PDK û hukmatê Başûrî yê vera hêrişanê dewleta tirke şermezar kerde û vat: ''Dewleta tirke seba ke kurdan qetil bikera pêro îmkananê xo seferber kena. Şefê MÎTî yo verên û Wezîrê Karanê Zereyî yo nikayên Hakan Fîdan seba ke Başur de kurdî pêbikewê xebitîyeno. Ganî hukmatê Başûrî û PDKyî vera Hakan Fîdanî nêrazîbîyayîşê xo bimojnayêne la înan o kerd verarê xo. Kurdî ney qetî qebul nêkenê. PDK qirkerdişanê dewleta tirke ra PKKyî mesuldar mojneno. No kerdişê înan qetî welatperwerî nîyo.

Ma venga Mesûd Barzanîyî û hukmatê Başûrê Kurdîstanî danê ke dişmenê kurdan dewleta tirke reyde têmegêrê û vera qirkerdişanê dewleta tirke tewir bimojnê. Bêrê ma yew bibê û vera dewleta tirke pîya têkoşîn bikerê. Êyê ke kiştoxanê kurdan de yew benê do raştê nefretê kurdan, tarîx û Homayî bêrê. Ganî her kes verê fîtneyî bigêro.''