Endama Koordînasyonê PAJKî Ronahî Serhed şehîdê menga gulane yad kerdî û hêrişê îşxalî yê dewleta tirke yê vera Başûrê Kurdîstanî ercnayî. Qiseykerdişê Ronahî Serhed ra beşêk wina yo:

''Raştîya Rayberîya ke PKK sey partîyêka şehîdan awan kerde, raştîya wayîrvejîyayîşê mîrasê şehîdan a. Raştîya şehîdan mana û armancê têkoşînî  pê hawayêkê zelalî îfade kena. Raştîya şehîdan de ma qerardarîya pîle ya şerî vînenê. Şehîdan ganê xo feda kerdî, heta hela peyêne şer kerd û rayîrê azadîye roşnî kerd.

Ez şexsêr Hakî Karer, Îbrahîm Bîlgîn, Mehmet Karasûngûr, Denîz Gezmîş û hevalên wî, Halîl Çavgûn, Îbrahîm Kaypakkaya, Gûrbet Aydin û Ferhat Kûrtay, Necmî Oner, Mahmût Zengîn û Eşref Anyikê ke vera faşîzmê 12ê Êlule zîndanê Amedî de bedenê xo vêşna û xeta xoverdayîşî temsîl kerde, pêro şehîdan bi rêzdarî yad kena.

Şehîdanê ma yê menga gulane bêsînorîya îradeyê azadî îfade kerde. Famkerdiş û caardiş de nê cigêrayîşî bêqûsir bîyî. Famkerdişê raştîya şehîdan, xoverdayîş, şerkerdiş û serkewtişê xeta şehîdan a. Caardişê wezîfeyanê şorişgêrî yê rojaneyan do şoriş ser bivisno.

Caardişê armancanê pîlan ê şehîdan ma rê fermanêko fîraz o.  Ma nêzdîbîyayîşê Rayberîye yê bi şehîdan ra zanenê ke têna pê yadkeridşî nêro pêşwazîkerdene. Seba pawitişê şorişî, caardişê Kurdîstanî ma do xeta şehîdan de şer bikerê û pê hêzê înan têkoşîn bikerê.

Tecrîdê Îmraliyî nêzdîbîyayîşê dewlete yê vera kurdan eşkera keno.Hetêkî ra Qirkerdişê Armenîyana me qebulkerdene hetêkî ra zî 23ê nîsane de vera operasyonêkê hîrayî Amerîka destûr da Tirkîya. PDK bi hawayêkê eşkerayî tewrê hêrişanê îşxalî beno. ê wazenê gerîlayan çin bikerê, PDK bikerê tek muxatab.

Îşxalê Başûrê Kurdîstanî de di armancî estê; tasfîyeya PKKyî û amadekarîya mudaxeleyê vera Îranî. Tirkîya hetê NATOyî ra seba nê mudaxeleyî yena amadekerdene. Seranserê sînoranê Îran-Iraqî de hêzê artêşa tirke seba çinkerdişê Başûrê Kurdîstanî cabîyî.

Şerê Dinya yê 3. de Erdogan tim qala armancê 2023î keno. Seba ke bê kurdan dinya bêra ronayene Edogan xîret keno. Şerê Dinya yê 1. ra dima kurdî sey çin ameybî hesibnayene. Pê têgêrayîşê PKKyî yê Rayber Apoyî pê rayîrê vurnayîşî no çarenûs vurîya.

Ez 1ê Gulane yê pêro cinîyan, kedkar û karkeran fîraz kena.''