Zekî Çelebîyo vakurij 17ê gulane de Silêmanî de raştê hêrişê çekdarî amebi û dima ra roja bîne nêweşxane de dinyaya xo bedilnayebî. Cenazaya  Çelebîyî ewro bi mersîmêkî şawîyaye Wan.

Cenzaya Çelebîyî morgê Silêmanî ra ameye girewtene û ameye berdene Meydanê Bahtîyarî yê Silêmanî. Cenaza tîya hetê keyeyê ci, aktîvîst, humermend û welatperwerdan ra bi slogananê “Tohildan” û “Şehid Namirin”  ameye  verwazîkerdene. Hunermend Awere Kerkukî tîya semedê Zekî Çelebîyî deyîrêke vate.

Endamê HDPyî û Serekê Komeleya Karkaren a Mezopotamya Muslum Kaplan Çelebîyî vat: ''Wa dişmen hole bizano ke hemrayê Şehîd Zekîyî do têkoşînê ey bidomnê. Waştişê ey azadîya şarê kurdî bi, la çi heyf ke hetê êyê ke teslîmê dişmenî bîyî ra ame qetilkerdene.''  Mala Nadir Ali zî vist vîrî ke kiştoxî hema zî nêameyî dîyene û vat eke hukmat înan mevîno no semedê ci eyb o zaf pîl o ke do heta mergî binê ci de bimano.''

Badê merasîmê dînîyî cenazaya Çelebîyî seba ke Wan de bêro definkerdene şawîyaye Vakurê Kurdîstanî.