Cenazaya gerîlaya HPGyî Havva Baran (Amara Çîya) ya ke 2019 de Dêrsim de şehîd bibî û Goristanê Meletî de amebî definkerdene, hetê keyeyê ci ra ameye girewtene û Goristanê Yenîkoyî yê Amedî de ameye definkerdene.
Gerîlaya HPGyî Havva Baran (Amara Çîya) 5ê teşrîna verêne ya 2019î de hêrişêkê hewayî de Dêrsim de şehîd bibî û cenazaya ci Goristanê Meletî de amebî definkerdene. Keyeyê Havva Baran cenaza Meletî ra girewte û berde Amed. Keyeyê Havva 30ê gulane de xebere girewtbi ke kênaya înan şehîd bîya û 2ê hezîrane de muracatê Tipê Edlî yê Meletî kerdbi, seba DNA gonî dabi.
Keyeyî vizêr cenaza Meletî ra girewte û ver bi Amedî kewt rayîr. Rayîr de polîs û leşkeran çend reyan keye vindarna û kontrolê GBTyî kerd.
Polîsan Goristanê Yenîkoyî de zî bi bahaneya ke cenazayê bînî defin benê, keye vindarna. Saetêke û nêm ra dima keyeyî wecîbeyê dînîyî ardî ca û binê ablûqaya polîsan de kênaya xo defin kerde.
Îdarekarê MEBYA-DERî zî ameyî goristan û înan waşt ke beşdarê merasîmê definî bibê la polîsan ê asteng kerdî. Polîsan destûr nêda ke keyeyî ra ber çew beşdarê merasîmê definî bibo.
