Cenazaya gerîlaya YJA-Starî Sitîye Karatay (Êzda Avesta) ya ke qezaya Şemzînanê ya Colemergî de 2016 de şehîd bîya, 6 serran ra dima mîyanê kutuyêke de dîyaye destê dadîya ci Aynure Karatay.

Aynure Karatay pê wesayîtê xo yê taybetî kutuya asteyanê kênaya xo girewte û berde qezaya Bazidî ya Agirî. Cemaza do mezreya Kuçkiran a Bazîdî de bêra definkerdene.

Dayîke Karatay 6 mengî yo gêrayêne cenazaya kênaya xo û 6 serran ra dima aye kênaya xo mîyanê kutuye de dîya. Dayîke Karataye Ajansê Mezopotamya rê wina vat: ''Kênaya mi mîyanê kutuye de danê mi, no zulm o. Ez naye qebul nêkena. Ez bi kênaya xo sereberz a.''

Lajê Aynure Karatay gerîlayê HPGyî Emrah Karatay zî 17ê adara 2019î de Agirî de şer de şehîd bibi. Mêrdeyê Aynure Karatay Burhan Karatay Zîndanê Gîresunî de krîzê qelbî ra 2018 de dinyaya xo bedilnaya.