Gerîlayê HPGyî Ferhat Ateş 3ê temmuze de qezaya Pulurî ya Dêrsimî de pêkewtişêkê vera artêşa tirke ya îşxalkere de şehîd bibi. Cenazaya Ferhat Ateşî Dezgehê Tipê Edlîyî yê Meletî ra hetê keyeyê ci ra vizêr ameye girewtene. 

Keyeyî cenaza berde taxa Xanika Jêrî ya qezaya Pîranî. Goristanê taxe hetê leşkeran ra gêrîya binê ablûqa. Leşkeranê tirkan nêverda ke ferdanê keyeyî ra berî çew beşdarê merasîmê defînî bibo. Cenazaya Ateşî hetê keyeyê ci ra goristan de ameye definkerdene. 

Ferhat Ateş û Yusuf Şeker heman pêkewtiş de şehîd bibî. Cenazaya Şekerî Goristanê Gazîyî de gorê babîyê xo Îsmet Şekerî de amebî definkerdene. Îsmet Şekerî Qirkerdişê Suruçî de amebi qetilkerdene.