Tepişte Siddik Ugur 25ê gulane de Zîndanê Qûbînî yê Êlihî de bi hawayêkê şikdarî dinyaya xo bedilnabî.

Fotografanê ke peyê otopsî û wecîbeyanê dînîyan de ameyî girewtene de asenê ke milê ey de rêçê derb û îşkenceyî est ê.

Ame parekerdene ke Siddik Ugur hewteyêkî verî amebi dekerdene hucreyê yew kesî.

Siddik Uguro (29)  14ê adara 2016î de xoverdayîşê xoîdarekerdişî yê Şirnexî de tepişîyabi û cezaya muebede dîyabî ci. Ugur dima veradîyabi la 19ê kanûna 2018î de reyna tepişîyabi.

Ugur 23-25ê teşrîna verêne ya 2021î de Zîndanê Şirnexî de hêrişê gardîyanan de birîndar bibi. Îdareyê zîndanî dima Ugur surgunê Zîndanê Qûbînî kerdbi.

Ugurî tewr peyêne 22ê gulane de bi telefonî keyeyê xo rê vatbi ke înan o dekerdo hucreyê yew kesî.