Karkerê agirîyîjî Murat Yaşaro ke babîyê 4 domanan o û Alî Ceylano ke babîyê domanêkî/e yo, 3 mengî verê cû seba ke bixebitê şîbî Cezayîr. Karkerî Yaşar û Ceylan 4ê temmuze de semedo ke kindirê îskeletê înşaatî qerifîya ginayî erdî ro û înan dinyaya xo bedilnaye. Ame parekerdene de karkerê ke şîrketêka bi nameyê ER-YAPI de xebitîyayêne seba ke tedbîr nêgêrîya û kemera asayîşî nêdîyaye ci ginayî erdî ro.
Keyeyê Yaşarî yo ke dewa Qerece ya qezaya Dîyadînî de û keyeyê Ceylanî yo ke dewa Qorkî ya qezaya Dîyadînî de ciwîyenê, da zanayene ke cenazayê karkeran 4 rojan ra nata Cezayîr de morg de yenê vindartene û waşt ke cenazayî cade bêrê erşawitene.