Gerîlayê HPGyî Têkoşer Pêncewîn (Levent Andiç) û Yûsûf Pîrosî (Haci Alî Yîgît) 27ê temmuza 2023yî de nêzdîyê dewa Bilbêsî ya qezaya Elkê ya Şirnexî de şerê vera artêşa tirke ya îşxalkere de şehîd bibî. Cenazayê înan wedarîyabî morgê Nêweşxaneyê Dewlete yê Şirnexî û dima goristanê bêkesan de ameybî definkerdene.

Netîceyanê testê DNA ra dima cenazayî vizêr teslîmê keyeyanê înan ameyî kerdene.

Cenazaya Haci Alî Yîgîtî Goristanê Asrî yê Cizîre de ameye definkerdene.

Cenazaya Levent Andiçî zî şewe qezaya Rezanî ya Amedî de Goristanê Yenîkoyî de binê ablûqaya polîsan de ameye definkerdene. Polîsan nêverda ke ferdanê keyeyî ra ber çew tewrê merasîmê definkerdişî bibo û şarî ra GBT pers kerd. Girseyo ke Wekîlê DEM Partî Adalete Kaya û Ceylane Akça zî tede bîyê teberê goristanî de heta peynîya merasîmê definkerdişî vindert.