Cenazeya Medya Çinar a ke Hepisxaneyê Mêrdinî de çalakîya fedaîye kerde û şehîd bîye, nêdîyena keyeyê ci. Grûb a ke vernîya morg de pawena û wekîlî zî tede estî, polîsan hêrişê ci kerd.
Girewteya sîyasîye Medya Çinar a ke ewro vera tecrîdkerdişê Rayberê Şarê Kurdî Abdullah Ocalanî çalakîya fedaîye kerde û cuya xo kerde vîndî, cenazaya ci morgê Nêwaşxaneye Dewlete yê Merîdînî de ya. Merdimê ci û wekîlê ke wazenê cenazeya ci bîgê bêrê Qoser vernîya morgî de pawenê.
Polîsan vernîya morgî de barîkat girewt û heyetê HDP’yî fîna dûr û waşt ke kîtle vila bikê. La grûbe sloganê ‘Şehîd nêmirenê‘ eştî û cayê xo canêverda. Naye ser a polîsan hêrişê grûbe kerd. 3 kesî bi derbkerdişî ameyî destbendkerdene.
