Merkezê Îrtîbatî û Çapemenîye yê HPGyî  derheqê çalakîyanê gerîlayan û hêrişê îşxalî de eşekrayîyêka nuştekîye daye û nê pare kerdî:

''Çarçeweya Hemleya Şorişgêre ya Cengê Heftanînî de hêzanê ma 1ê temmuze (ewro) Qilê Dupişkî de vera îşxalkeran çalakîyêke viraşte.  Çalakîya ke dişmen bitesîr ame pirodayene de 3 mewzîyî ameyî îmhakerdene la hûmara merde û birîndaran ê dişmenî nêameye zelalkerdene.

30ê hezîrane de artêşa tirke bi abus û havanan dormeyê dewa Minine bombarduman kerd.

27ê hezîrane de dormeyê Qilê Koordîne û Qilê Şehîd Şahanî yê Xakurkê de operasyono ame destpêkerdene û 30ê aşme de destveng peyser ame antene.

30ê hezîrane de teyarayanê şerî yê artêşa tirke saetanê şewe de warê Sînînê yê Xakurkê sero bombayî varnayî. Nê hêrişan de vînîbîyayeyê ma çîn ê.''