Başûrê Kurdîstanî de rêxistinanê ciwanan bi çalakîyanê tewir bi tewiran boykotê malanê Tirkîya kenê hîra. Ciwanê Başûrê Kurdîstanî wazenê ke bi nê boykotî aborîya Tirkîya asteng bikerê ke vera Rojawanî meeşka galanê xo dewam bika.

Cêgir rayberanê nê rexistînî ra yew o û derbarê xebat û çalakîyan de ajansê ma rê qisey kerd û wina vat: “Rêxistinê ma serra 2009î de ameyo ronayene û xebatê ma çarçewa hişyarkerdiş û perwerdekerdişê ciwanan de yê. Xebatanê ma ra a ya tewr girînge destpêkerdişê boykotkerdişê malanê Tirkîya yo.”

Raybera Cinîyan ê Ciwanan ê Xoverdayoxan ra Berîtane derbarê çalakî û xebatanê xo de ANFyî rê qisey kerd û wina vat. “Rêxistinê ma serra 2015î de hetê Rêxistinê Ciwanan ê Welatparêzan de dest pê çalakîyan kerd. Rêxistinê ma nika bi boykotkerdişê malanê Tirkîya mujxil beno. Ez pêro cinî û ciwananê Başûrê Kurdîstanî ra wazena ke tena bi boykotkerdişê malanê Tirkîya memanê, razî meberê ke barîgehê Dewleta Tirkan Başûrê Kurdîstanî de bimanê.”