Endamê Komîteya Şarî û Bawerîyan a KCKyî Cîhan Erenî hêrişê vera elewîyan ANFyî rê ercnayî.

Cîhan Erenî bale ante ser ke nê hêrişî wextê Şînê Kerbela de ameyî kerdene coka wayîrê manayêka cîya yê. Erenî vat: ''Hêrişê vera elewîyan tim sîyaset û mezgê sentezê Tirk-Îslamî ra ameyî kerdene. Wextê Selçukîyan, Osmanîyan û kemalîstan de zî elewîyî ameyî qetilkerdene. Hêrişê peyênî yê vera elewîyan zî eleqeyê înan pê serebûtanê peyênan ê Rojhelatê Mîyanênî est o. Îqtîdaro faşîst ê Erdoganî wazeno Rojawan, Başûrê Kurdîstanî îşxal bikero, qirkerdişê kurdan temam bikero. Coka Erdogan wazeno paştdayîşê Îran, Iraq û Sûrîye bigêro. Hêrişê vera elewîyan zî seba ney ameyî kerdene. Ma zanenê ke no îqtîdar seba elewîyan çi fikirîyeno. Nê hêrişî seba hewcedarîyêka îqtîdarî ameyê kerdene. Îqtîdarî waşt ke bi rayîrê nê hêrişan nêzdîyê elewîyan bibo û 'nê nêzdîbîyayîşî' bimojnê dewletanê Şîa yê sey Îranî.

Erdoganî zîyaretê xo yê cemxaneyî de zî mesaj da Îranî ke Îranî ra seba qirkerdişê kurdan paştî bigêro. Erdoganî nê mesajî de waşt vajo 'Ez nê dişmenê şima ya, dişmenê kurdan a. Mi çim nêverda erdê şima, derdê mi kiştişê kurdan o.' Erdogan wazeno elewîyan seba polîtîkayanê xo yê Rojhelatê Mîyanênî bişuxilno. Dima ke polîtîkaya înan a Neo-Osmanîyan ser nêkewte, argumanê serê xeta DAÎŞî ser nêkewt waşt erjanê elewîyan ser ra xo biresnê Şîa. Ganî merdim ney hol bivîno.

Dewleta tirke heta nika qetî meseleya kurdan yan zî elewîyan bi metodanê demokratîkan çareser nêkerde. Dewlete key kurdan qebul bikera, ferasetê tirk-hanefî-sunî ra fek vera bida û elewîyan bişinasna polîtîkaya qirkerdişî qedîyena. Ganî elewîyî seba hemwelatîya têdûşte paştî bidê HDPyî. Bi nê hawayî cewab bidê hêrişan.''