Cinîya êzidîye Kovane Îdo Xirtoya ke wextê hêrişanê DAÎŞî de amebî remnayene wextê Operasyonê Asayîş û Merdimatîye yê QSDyî yê vera Kampa Holî de hetê YPJyî ra amebî xelisnayene.

Kovane Îdo Xirto (26) Şingal de teslîmê keyeyê xo ameye kerdene. Kovane hêverî Rojawan de teslîmê Keyeyê Êzidîyan amebî kerdene û tîya ra bi rayîrê YBŞ û YJŞyî erşawîyaye Şingalî.

TAJÊ ewro seba pêşwazîkerdişê Kovane amadekarîye kerde. Xeylêk cinîyan, keyeyê Kovane û endamanê TAJÊ bi tîlîlîyan Kovane pêşwazî kerde.

Kovane wextê pêşwazîkerdişî de  hîsê xo wina îfade kerdî: ''Ez her kesî rê zaf sipas kena. Bi nê hawayî pêşwazîbîyayîş mi rê hîsêko zaf weş o. Ez senî bi zerrîya weşe agêraya hêvî kena ke ê bînî zî wina abigêrê keyeyanê xo.

Endama TAJÊ Edûle Elî zî hêzanê asayîşî yê Rojawanê Kurdîstanî rê sipas kerd û vat: ''Ma nê arefatê 8ê Adare de azadîya cinîyêke pêşwazî kenê.''

Apê Kovane Îdo Xirtoyî Xelef Şivanî zî ajansê ma rê qisey kerd û vat: ''Wexto ke DAÎŞî hêriş kerd Kovane bîye esîra înan. A ameya berdene bi Kampa Holî. Ma hêzanê YBŞ, YJŞ û Rojawanî rê zaf sipas kenê. Ma venga her selahîyetdaran danê ke seba agêrayîşê cinîyan ê êzidîyan ê vîndîbîyayeyan bixebitê. Wa hukmatê Iraqî mesuldarîyanê xo bîyaro ca.''