Cinîyan ê Çewlîgî semedê tewrbîyayîşê Newroze veng da
Cinîyan ê Çewlîgî semedê tewrbîyayîşê Roşanê Newroze yo ke siba do bêro pîrozkerdene veng da û waşt ke cinîyî bi kincanê xo yê neteweyîyî tewrê şayî bibî.
Çewlîg de siba bi organîzkerdişê Partîya Şaran a Demokratîke (HDP) do Newroz bêro pîrozkerdene. Cinîyan ê Çewlîgî veng da şarê Çewlîgî û waşt vera zulmî tewrê Roşanê Newroze bibî û nasname û kulturê xo rê wayîr bivejî.
Cinîyan vat ma do 21’ê Adare de (Siba) Çewlîgî bi renganê xo bixemilnê, vejîyê kuçeyan û vajê, ma estî ma tîya yê , vera zulm û zordarîye de çok nêdanê. Cinîyan şexsê Leyla Guvene de xoverdayîşê grevê vêşanîye zî sIlam kerd û vat ke ma do ser bikewê.
